“O‘zbekistonda shu vaqtgacha karantin qoidalarini buzgan milliondan ortiq odam jarimaga tortilgan” — IIV

O‘zbekistonda 25-iyul holatiga ko‘ra, birinchi karantin cheklovlari o‘rnatilgandan buyon (2020-yil 16-mart) 1 184 000 qoidabuzarlik qayd etilgan. Bu haqda “Gazeta.uz” Ichki ishlar vazirligi matbuot kotibi Shohrux G‘iyosovga tayanib ma’lum qildi.

Karantin qoidalariga rioya qilmaslik holatlarining aksariyati Toshkent shahri (176,3 ming), Samarqand (113,8 ming), Farg‘ona (167 ming) va Toshkent viloyatlarida (219 ming) qayd etilgan.

Boshqa hududlarda qayd etilgan huquqbuzarliklar:

• Sirdaryo viloyati – 53,6 ming;
• Jizzax viloyati – 39,8 ming;
• Navoiy viloyati – 23,4 ming;
• Buxoro viloyati – 44 ming;
• Andijon viloyati – 57,6 ming;
• Namangan viloyati – 83,7 ming;
• Qashqadaryo viloyati – 86,2 ming;
• Surxondaryo viloyati – 60,2 ming;
• Qoraqalpog‘iston – 31,8 ming.

Qayd etilishicha, 1,1 million holatda Ma’muriy javobgarlik to‘g‘risidagi kodeksning 54-moddasi 1-qismi (epidemiyaga qarshi kurashish qoidalarini buzish) bo‘yicha fuqarolar javobgarlikka tortilgan — BHMning 5 barobarigacha jarima (1,2 million so‘m). 22,5 ming holatda, xuddi shu moddaning ikkinchi qismi bilan — BHMning 20 barobarigacha (4,9 million so‘m), mansabdor shaxslar uchun 30 barobarigacha (7,3 million so‘m) miqdorida jarima qo‘llanilgan.

490 holatda — Ma’muriy javobgarlik to‘g‘risidagi kodeksning 53-moddasiga binoan (sanitariya qonunchiligini buzish) — BHMning 1 barobaridan 3 barobarigacha bo‘lgan miqdorda jarima, mansabdor shaxslar uchun esa BHMning 5 barobaridan 10 barobarigacha jarima qo‘llanilgan. Qolgan 320 holatda boshqa bandlar qo‘llanilgan.

Shu davr mobaynida jami 1 million 80 ming kishi qayd etilgan qoidabuzarliklar uchun jarimaga tortilgan. Ushbu ko‘rsatkich bo‘yicha Toshkent shahri (171,9 ming), Toshkent viloyati (218,2 ming), Samarqand (96,2 ming) va Farg‘ona viloyatlari (83,2 ming) yetakchilik qilmoqda.

2791 holatda ma’muriy qamoqqa olish tarzidagi jazo qo‘llanilgan, 188 ming holatda ogohlantirishlar berilgan.

Qayd etilgan qoidabuzarliklar:

• karantin hududini tark etish – 498 (Toshkent – 55, Sirdaryo – 155, Namangan viloyati – 172);
• uy karantini buzilishi – 160 (Toshkent – 17, Sirdaryo – 83);
• vaqtincha to‘xtatilgan savdo faoliyatini davom ettirish – 524 (Toshkent – 156, Jizzax viloyati – 107);
• karantin davrida to‘ylar, tadbirlar va uchrashuvlar o‘tkazish – 830 (Toshkent – 21, Samarqand – 72, Navoiy – 70, Farg‘ona – 108, Qashqadaryo viloyati – 121);
• ovqatlanish punktlari va bozorlarda karantin qoidalarini buzish – 2271 (Toshkent – 1150);
• yopiq xonalarda konsert va ko‘ngilochar dasturlarni o‘tkazish – 1 (Toshkent viloyati);
• maktablarda va maktabgacha ta’lim muassasalarida karantin qoidalarini buzish – 4 ta;
• tungi klublar, kurortlar va massaj salonlari, karaoke, bilyard, kalyan va kompyuter xonalarida karantin qoidalarini buzish – 306 (Toshkent – 185).

Bundan tashqari, ushbu davrda 1 164 000 ta niqob taqish bo‘yicha belgilangan tartibni buzish holatlari aniqlandi. Eng ko‘p ushbu turdagi qoidabuzarlik — Toshkent shahri (168,9 ming), Toshkent (217,4 ming), Farg‘ona (166,5 ming) va Samarqand viloyatlarida (109,7 ming) qayd etildi. 2428 ta holatda sotuvchilar javobgarlikka tortilgan.

Bundan tashqari, asossiz va vahima qo‘zg‘atadigan ma’lumotlarni ijtimoiy tarmoqlarda tarqatishning 14 ta holati aniqlandi. Boshqa sabablarga ko‘ra yana 18,7 ming qoidabuzarlik qayd etilgan.