Yaponiyaning Tokio shahrida Olimpiya o‘yinlarining 24-iyul kungi bahslari o‘tkazilmoqda.
O‘zbekistonlik tennischi Denis Istomin birinchi bosqichda hindistonlik Sumit Nagalga qarshi kortga chiqdi.
Dastlabki set 6:4 hisobida Sumit foydasiga hal bo‘lgan bo‘lsa, ikkinchi set tay-brekkacha bordi va unda Istomin muvaffaqiyat qozondi. Hal qiluvchi setda esa o‘zbekistonlik raketkachi 4:6 hisobida imkoniyatni boy berib qo‘ydi.
Shu tariqa Istomin 2,5 soat soat davom etgan bahsda 1:2 hisobida (4:6, 7:6, 4:6) yutqazib, Olimpiada bilan xayrlashdi.
Avvalroq bokschi Sanjar Tursunov jazoirlik raqibiga mag‘lub bo‘lgan, shuningdek, besh nafar O‘zbekiston vakili Olimpiadadagi ishtirokini yakunlagandi.
Izoh (0)