24-iyul kuni O‘zbekiston Prezidentining katta qizi, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi o‘rinbosari Saida Mirziyoyeva Shavkat Mirziyoyevni tug‘ilgan kuni bilan tabrikladi.

Foto: Telegram / Saida Mirziyoyeva

Saida Mirziyoyeva o‘zining Telegram’dagi kanaliga davlat rahbarining nabirasi Shavkatjon bilan tushgan suratni joylashtirgan. “Tavallud ayyomingiz muborak bo‘lsin, aziz insonlarim. Alloh Sizni panohida asrasin!”, — deb yozadi Mirziyoyeva.

Bloger va huquqshunos Xushnudbek Xudoyberdiyevning yozishicha, Saida Mirziyoyeva o‘zining kenja o‘g‘li Shavkatjonni 2020-yilning 24-iyulida — Shavkat Mirziyoyevning tug‘ilgan kunida dunyoga keltirgan.

Ma’lumot uchun, O‘zbekiston Prezidenti 24-iyul kuni 64 yoshga to‘ldi.

Eslatib o‘tamiz, 2020-yilda “O‘zbekiston” nashriyot-matbaa ijodiy uyi tomonidan “O‘zbekiston Respublikasi Prezidenti Shavkat Mirziyoyevning faoliyat xronikasi” deb nomlangan to‘plam nashrdan chiqarilgandi. Unda Shavkat Mirziyoyevning 2016-yil sentabr oyidan 2020-yil 1-yanvargacha bo‘lgan davrdagi siyosiy faoliyati solnomasi batafsil aks ettirilgan.