Germaniyaning Garmish-Partenkirxen shahrida 2001-yilda ishlab chiqarilgan Lada Niva yo‘ltanlamasi sotuvga qo‘yildi. Avtomobil qor kurashga mo‘ljallangan qator maxsus qurilmalarga ega bo‘lgan. Modifikatsiya qilingan avtomobil 10 750 kilometr yo‘l bosgan bo‘lib, u 12,5 ming yevroga baholanmoqda, deb xabar beradi Motor.
Klassik Niva’ni qor kuraydigan mashinaga aylantirish uchun uning egasi yo‘ltanlamasning old bamperiga siljiydigan kuch konstruksiyasini o‘rnatgan. O‘z navbatida unga maxsus qor kurovchi kovsh va qo‘shimcha faralar qotirilgan. Avtomobilning orqa qismida muzni burg‘ilovchi qurilma, tom qismida qo‘shimcha yukxona paydo bo‘lgan.
Modifikatsiya qilingan Lada Niva 83 ot kuchiga ega 1,7 litrli benzin motor yordamida harakatlanib, “Yevro-4” ekologik standartiga javob beradi. Agregat besh pog‘onali mexanik uzatmalar qutisi yordamida boshqariladi. Uzatma to‘liq bo‘lib, o‘qlararo differensial blokirovkasi mavjud.
Sotuvchi qor kurashga mo‘ljallangan yo‘ltanlamasni 12,5 ming yevroga baholagan.
Avvalroq britaniyalik blogerlar yangi Lada Niva’ni test-drayv vaqtida ko‘lga cho‘ktirib yuborgan edi.
Izoh (0)