Qoraqalpog‘iston Respublikasining Qo‘ng‘irot tumanidagi “Tarakli” mahallasi hududidan o‘tuvchi temiryo‘l ko‘prigi ustida 21-iyul kuni K.A. ismli 18 yoshli yigit o‘z joniga qasd qilmoqchi bo‘ldi, deb xabar beradi IIV matbuot xizmati.
Fuqaro ko‘prikdan o‘zini tashlamoqchi bo‘lgan paytda shu hududga biriktirilgan profilaktika inspektori leytenant I.Jamolov tomonidan qutqarib qolingan.
K.A. bilan psixiatr ishtirokida profilaktik suhbat o‘tkazilib, ota-onasiga topshirilgan. Hozirgi paytda surishtiruv ishlari davom etmoqda.
Avvalroq Qashqadaryoda qaynotasi bilan tortishib qolgan kelin o‘zi va ikki farzandini poyezd tagiga tashlab, vafot etgani to‘g‘risida xabar berilgandi.
Izoh (0)