“Daryo”ni Telegram’da o‘qing! Join!
11:47, 22.07.2021 17658

Fitnesdan trenerlik qiladigan yaponiyalik 90 yoshli ayol (foto)

60 yoshidan boshlab o‘zi bilan shug‘ullanishni boshlagan yaponiyalik Takimika 87 yoshida trenerga aylangan. Uning qaddi-qomati va sog‘lom ko‘rinishiga havas qilmaslikning iloji yo‘q.

Foto: Woman’s Day

Takimikaning sport bilan shug‘ullanishiga turmush o‘rtog‘ining qarib qolding, qomating ham avvalgidek emas, qabilidagi so‘zlari sabab bo‘lgan. Bu vaqtda yoshi 65 da bo‘lgan ayol boshqalar singari taqdirga tan berishdan ko‘ra sportzalga yozilishni afzal bilgan.

Foto: Woman’s Day

Foto: Woman’s Day

“Men qomatim haqida o‘ylamaganman, vaznim ortiqcha deb hisoblamaganman. Ammo turmush o‘rtog‘imning bir og‘iz gapi hammasini o‘zgartirdi. U shunchaki meni to‘lishding deb hazillashdi, men esa sportzalga borish kerakligi haqida qaror qildim”, — deydi ayol.

Foto: Woman’s Day

Foto: Woman’s Day

Foto: Woman’s Day

Mashg‘ulotlarga mukkasidan ketganidan bora-bora mashqlarni kundalik odatga aylantirgan. Yigirma yildan ko‘proq vaqt davomida yoga va pilates bilan shug‘ullangani, tosh ko‘targani natijasida sezilarli darajada (ikki o‘lchamga) ozgan.

Foto: Woman’s Day

Foto: Woman’s Day

87 yoshga to‘lganida esa shunchaki o‘zi shug‘ullanmasdan boshqalarga ham fitnesdan trenerlik qilishni afzal bilgan. O‘zining ilk guruhini yig‘ishga muvaffaq bo‘lgan Takimika qattiqqo‘llik bilan tashrif buyurganlardan mashqlarni bajarishni talab qiladi.