Buyuk Britaniyada to‘y marosimlarini o‘tkazish bo‘yicha cheklovlar bekor qilingan “ozodlik kuni”da butunlay oq rangli himoya niqoblaridan  tayyorlangan kelinning o‘ziga xos libosi taqdim etildi, deb yozadi “Korrespondent.net”.

Foto: Instagram /@hitcheduk

Libosda 1500 ta qayta ishlangan yuz niqoblari ishlatilgan. Libosni dizayner Tom Silvervud yaratdi va uni Jemayma Xambro modeli taqdim etdi.

Foto: Instagram /@hitcheduk

Libos atrof-muhit ifloslanishi muammosini namoyish etishi bilan ham o‘ziga xosdir. Chunki ommaviy axborot vositalarining xabarlariga ko‘ra, Buyuk Britaniyada har hafta 100 million marta ishlatilgan niqob tashlanadi.

Foto: Instagram /@hitcheduk

“Buyuk Britaniyadagi to‘ylarning bugundan boshlab qonuniy cheklovlarsiz qaytishini ko‘rganimizdan juda xursandmiz. Yozda minglab to‘ylar bo‘lib o‘tayotganligi sababli juftliklar endilikda cheklovlar bekor qilingandan keyin raqs maydonchalarini, ko‘ngilochar joylarni va tabassum yuzlariga yarashgan  fotosuratlarni kutishlari mumkin”, – deydi Hitched jurnalining muharriri Sara Allard.

Eslatib o‘tamiz, Buyuk Britaniya to‘ylarga qo‘yiladigan barcha cheklovlarni butunlay olib tashlagan, Shotlandiya esa 200 kishilik to‘ylarga ruxsat bergan.

Foto: Instagram /@hitcheduk

Foto: Instagram /@hitcheduk

Foto: Instagram /@hitcheduk