Buyuk Britaniyada BMW reklamasi radioda kutilmagan sabab tufayli taqiqqa uchradi. Tinglovchilardan biri mahalliy Reklama standartlari boshqarmasiga (ASA) dvigatel katta aylanishlar vaqtida juda qattiq ovoz chiqarishidan shikoyat qilgan — erkak BMW’ning reklama roligi “mas’uliyatsiz boshqaruv”ga undashi mumkin deb hisoblagan. Amaldorlar shikoyat muallifining fikriga qo‘shilgan va efirdan bahsli reklamani olib tashlash bo‘yicha qaror qabul qilgan, BMW esa bunga bo‘ysunishga majbur, deb xabar beradi Motor.
Foto: BMW
Taqiqqa bir qarashda hech qanday nuqsoni bo‘lmagan reklama roligi tushgan. Audioyo‘lak motorning bazo‘r eshitiladigan ovozidan boshlanadi, shundan so‘ng, kadr ortidagi ovoz “U harakatlanish vaqtida qanday ekanini ta’riflashda balandparvoz so‘zlardan foydalanishimiz mumkin edi. Ammo siz rostdan ham eshitishni istagan narsa, bu…”, — jumla davomida dvigatelning ortib borayotgan tovushi eshitiladi.
Yahoo ma’lumotlariga ko‘ra, shikoyatga sabab bo‘lgan dvigatel tovushi 30 soniyali rolikda bir soniyadan kamroq vaqtni egallagan. BMW o‘zini oqlashga uringan, biroq Reklama standartlari boshqarmasi reklamani efirdan olib tashlash bo‘yicha qaror qabul qilgan. ASA qoidalariga ko‘ra, avtomobil reklamasi xavfli boshqaruvni va yo‘llarda mas’uliyatsiz harakatlanishni targ‘ib qilmasligi lozim.
BMW ASA’ning qaroriga bo‘ysungan va reklamani efirgan olgan. Markaning Buyuk Britaniyadagi ofisi rolik bu kabi ko‘rinishda boshqa translyatsiya qilinmasligini tasdiqlagan.
