Rimda havo sharlari yordamida ko‘tarilib turuvchi 18 metrli ko‘prik paydo bo‘ldi. Bu haqda AFP agentlining Twitter’dagi sahifasiga tayanib “Korrespondent.net” xabar berdi.

Kadr: Video

Tibr daryosi ustida joylashgan ko‘prik — bu vaqtinchalik installyatsiya hisoblanadi.

Haykaltarosh Olivye Grossetaning so‘zlariga ko‘ra, bu kabi installyatsiyani yaratishga uni Palatsso Farnezeni qarama-qarshi qirg‘oq bilan birlashtirishni istagan, biroq o‘z loyihasini amalga oshirishga ulgurmagan Mikelanjelo ilhomlantirgan.

18 metrli konstruksiya geliy bilan to‘ldirilgan uchta havo shariga ilingan.

Eslatib o‘tamiz, 2020-yilning avgustida Tayvanda o‘tkazilgan havo sharlari festivalida varraklardan biri uch yoshli qizaloqni o‘zi bilan osmonga uchirib ketgandi. Bolakay ulkan varrakning iplariga o‘ralib qolgan.