Toshkent viloyatining Parkent tumanida 8 ta avtomobil ishtirokida YTH sodir bo‘ldi. Bu haqda YHXBB matbuot xizmati xabar berdi.
Ma’lum qilinishicha, voqea 17-iyul kuni soat 15:00 larda Parkent—Kumushkon yo‘lida yuz bergan. 1990-yilda tug‘ilgan M.A. Howo yuk mashinasida harakatlanib ketayotgan vaqtda tormoz tizimi ishdan chiqib, boshqaruvni yo‘qotgan va 7 ta: “GAZ-24”, 2 ta Spark, Nexia, Lacetti, “Gazel” va “VAZ-2106” (“Jiguli” ) avtomobillari bilan to‘qnashgan.
Viloyat IIB matbuot xizmati xabarida qayd etilishicha, YTH oqibatida “Jiguli” haydovchisi va uning 3 nafar yo‘lovchisi turli tan jarohatlari olib, tuman tibbiyot birlashmasiga murojaat qilgan va ularga birinchi tibbiy yordam ko‘rsatilgan. Hozirda ularga uylariga javob berilgan.
Mazkur YTH yuzasidan Parkent tumani IIB huzuridagi TB tomonidan surishtiruv harakatlari olib borilmoqda.
Mavzuga doir:
- Sirdaryoda Nexia-3, “Jiguli” va Isuzu yuk mashinasi ishtirokida YTH yuz berdi
- Andijonda 21 yoshli fuqaro boshqaruvidagi yuk mashinasi yo‘l chetida to‘xtab turgan Cobalt’ni urib yubordi
- Sirdaryoda Damas’ga urilgan Isuzu yuk mashinasi ag‘darilib, undagi kolbasa mahsulotlari yerga sochildi
- Qoraqalpog‘istonda avtobus va yuk mashinasi ishtirokida sodir bo‘lgan YTH oqibatida ikki kishi halok bo‘ldi
Izoh (0)