Bir muddat boshqa ijodkorlar soyasida bo‘lgan, ammo keyinroq o‘z yo‘lini topgan shou-biznes vakillari haqida ma’lumot berib o‘tamiz.
Sia
Xonanda 10 yildan ko‘p vaqt davomida dunyoning mashhur yulduzlari — Rianna, Selin Dion, Beyonse va Britni Spirsga qo‘shiq yozgan. Sia o‘zini turli janrlarda ijod qila olmaydi deb hisoblagan, ammo kun kelib hammasi o‘zgargan. Bir nechta xonanda, Sia uchun eng yaxshi hisoblangan, qo‘shiqlarni ijro etishdan voz kechgan. Shu voqeadan keyin qo‘shiqchi qat’iyatli bo‘lishga, o‘zini qo‘lga olishga qaror qilgan. Natijada esa aksariyat chartlarda yetakchilik qilgan “This is acting” nomli albomni muxlislarga taqdim qilgan.
Rita Dakota
O‘zi yozgan she’r asosida qo‘shiq kuylab, klip suratga olishdan charchamaydigan Rita bilan avvalroq hammasi boshqacha bo‘lgan. Turli vaqtlarda Anita Soy, Zara, Ani Lorak, Svetlana Lobodalar bilan hamkorlik qilgan. Sotilgan qo‘shiqlar evaziga kelgan mablag‘lardan o‘zining kliplarini suratga olish va muvaffaqiyatli karyera qilishga erishgan.
Ledi Gaga
2007-yildan Interscope Records’da ishlagan xonanda, Pussycat Dolls guruhi va Britni Spirs singari mashhurlarga qo‘shiq yozgan. Keyinchalik ijodiga befarq bo‘lmagan reper Akon, unga o‘z karyerasini yo‘lga qo‘yishni taklif qilgan. Shundan keyin Ledi Gaga, Britni uchun yozilgan, ammo rad etilgan “Telephone” qo‘shig‘ini Beyonse bilan birga kuylagan. Shundan keyin haqiqiy mashhurlikka erishgan.
Irina Dubsova
Dubsova rus estradasida nafaqat xonanda, balki bir qancha qo‘shiqlar matni muallifi sifatida ham yaxshi ma’lum. Filipp Kirkorov, Polina Gagarina, Dima Bilan, Olga Buzova va boshqa bir qancha mashhurlar uning muallifligidagi qo‘shiqlarni kuylagan. Yulduzning so‘zlariga ko‘ra, taniqli artistlarga o‘z qo‘shiqlarini taklif etishni unga sobiq turmush o‘rtog‘i Roman Chernitsin maslahat bergan.
“DaBro” guruhi
2020-yilda xit bo‘lgan “Yoshlik” (“Yunost”) qo‘shig‘i ijrochilari uzoq vaqt davomida boshqa mashhur guruhlar uchun qo‘shiq matnini yozgan. Svetlana Loboda, Jigan, Polina Gagarina va Diana Arbenina shular jumlasidan. “ ‘Yunost’ qo‘shig‘i juda ham xit bo‘lishini his qilgandik. Klipning chiqishi shov-shuvli bo‘lishini kutgandik, ammo bunchalik bo‘lishi xayolimizga kelmagan”.
Izoh (0)