Barmoqlarga qotirilib, nam qo‘ldan elektr energiyasini ishlab chiqarishga qodir egiluvchan kichik plastir yaratildi, deb xabar beradi Hi-Tech.Mail.ru.
Kaliforniya universiteti ixtirochilarining ta’kidlashicha, yangi qurilma insondan ajraladigan terni yig‘ishga (foydalanuvchi uxlagan yoki kundalik ish bilan shug‘ullanayotgan vaqtida) va undan elektr energiyasini ishlab chiqarishga qodir.
Qurilmaning prototipi yaratilgan, biroq u hozircha faqat kichik miqdorda energiya to‘plamoqda. Smartfonni quvvatlantirish uchun plastirni qo‘lda uch haftaga yaqin taqib yurishga to‘g‘ri keladi. Olimlar mazkur qurilmaning imkoniyatlarini kelajakda yaxshilashga umid qilmoqda.
Tasma barmoqda 10 soat taqib yurilsa, qo‘l soatlari 24 soat ishlashi uchun yetadigan energiya hosil bo‘ladi. Gap faqat bitta barmoqdagi plastir haqida ketmoqda. Tadqiqotchilarning so‘zlariga ko‘ra, qurilma boshqa barmoqlarga ham ulansa, energiya hajmi o‘n baravar ortadi.
Energiya ishlab chiqarishga mo‘ljallangan aksariyat qurilmalar foydalanuvchidan intensiv mashqlar bajarishni yoki quyosh nuri yoki haroratini talab etadi. Tasma-plastir esa elektr energiyasini ishlab chiqarishda passiv tizimdan foydalanadi.
Avvalroq Singapurda soyalardan elektr energiyasini ishlab chiqaradigan qurilma yaratilgani to‘g‘risida xabar berilgandi.
Izoh (0)