NASA Marsning tabiiy yo‘ldoshlaridan birining g‘aroyib shakli tasvirlangan surat bilan bo‘lishdi, deb xabar beradi Hi-Tech.Mail.ru.

Foto: NASA

Suratda Marsning eng yirik ikki sun’iy yo‘ldoshidan biri — Fobos tasvirlangan. U Mars Reconnaissance Orbiter kosmik kemasi bortidagi kamera tomonidan suratga olingan.

Yuzadan 6800 kilometr balandlikdan olingan tasvirda ulkan Stikni krateriga ega cho‘tir osmon jismi tasvirlangan. Undagi chuqurliklar sayyora va uning tabiiy yo‘ldoshining o‘zaro gravitatsion tortishishi natijasida yuzaga keladigan to‘lqin kuchlarining ta’siri bo‘lishi mumkin.

Olimlarning hisobi-kitobiga ko‘ra, mitti Fobos Marsga har yuz yilda 1,8 metr tezlikda yaqinlashadi. Bu 50 million yildan keyin oxir-oqibat u sayyora bilan to‘qnashishini yoki parchalanib ketib, mayda bo‘laklardan iborat uchar halqaga aylanishi mumkinligini anglatadi.

Fobos 1877-yilda amerikalik astronom Asaf Xoll tomonidan kashf etilgan. Uning uzunligi 27 kilometr, kengligi 21 kilometr bo‘lib, aniq shaklsiz jismdan iborat.

Avvalroq Xitoy marsoxodi Marsdan o‘z selfisini yuborgani, shuningdek, Curiosity Marsdagi bulutlarning ajoyib suratlari bilan bo‘lishgani to‘g‘risida xabar berilgandi.