Xitoy hukumati balandligi 500 metrdan oshadigan osmono‘par binolarni qurishni taqiqlab qo‘ydi. Bu haqda 7-iyun kuni South China Morning Post nashri xabar berdi.

Ta’kidlanishicha, balandligi 250 metrdan oshadigan osmono‘par binolar qat’iy cheklovlarga ega bo‘lishi kerak, balandligi 100 metrdan yuqori bo‘lgan binolar esa o‘t o‘chirish ko‘lami va imkoniyatlariga to‘liq mos kelishi kerak.

Xitoy milliy taraqqiyot va islohotlar komissiyasi Shenchjendagi 73 qavatli SEG Plaza osmono‘par binosi sababsiz tebrana boshlaganidan ikki oy o‘tgach, ushbu cheklovlarni joriy etdi.

Yangi qoidalar Xitoyda materikdagi 10 ta super osmono‘par binodan beshtasini, shuningdek, dunyodagi 100 ta eng baland binoning qariyb yarmini bunyod qilinishga sabab bo‘lgan qurilish jadalligini vaqtincha pasaytirishi kutilmoqda.

BBC’ning qayd etishicha, 2020-yilning may oyida Syuanchjouda (Xitoyning Funszyan provinsiyasidagi shahar okrugi) koronavirus bilan kasallangan deb gumon qilingan bemorlar karantinga olingan mehmonxona qulab tushgan edi. Buning oqibatida 29 kishi vafot etgan.