Ijtimoiy tarmoqlarda AQShning Kanzas shtatida kuzatilgan momaqaldiroq vaqtida trassadagi videoregistratorlardan biri tomonidan tasvirga olingan video tarqaldi. Kadrlarda qayrilib olish uchun chorraha oldida tormoz bosgan qora Jeep Grand Cherokee’ni ko‘rish mumkin. Kutilmaganda yo‘ltanlamasni ikki soniya ichida to‘rt marotaba yashin urgan, deb xabar beradi Motor.
Ko‘ngilsiz hodisa vaqtida Jeep Grand Cherokee ichida er-xotin ikki nafar farzandi bilan bo‘lgan va ular o‘zlarining yo‘ltanlamasi million voltli bir nechta yashinni o‘ziga tortish markaziga aylanishini o‘ylamagan ham. Mazkur avtomobil kuzovi Farader panjaralari kabi loyihalashtirilgan bo‘lib, yashin urganda u elektr razryadni to‘g‘ri yerga uzatadi.
Shu kabi konstruksiya sharofati bilan yo‘ltanlamas yo‘lovchilariga hech qanday shikast yetmagan. Biroq ikkinchi yashin urilganida Jeep Grand Cherokee to‘xtab qolgan, stop-signallar bir zumda o‘chgan. Ulkan kuchlanish avtomobilning elektronikasini ishdan chiqargan.
Avvalroq Floridada Ford F-150 pikapi haydovchisi va yo‘lovchisi dovul vaqtida yo‘lda harakatlanib ketayotganida avtomobil qarshisiga kutilmaganda yashin urib, asfalt bo‘lagini ko‘chirib yuborgani to‘g‘risida xabar berilgandi.