“Avto.ru” sayti orqali ideal holatda saqlangan 1998-yilgi oq “VAZ-2105” avtomobili sotuvga qo‘yildi. Hozirga qadar 10 kilometr yo‘l bosgan model 3 million rublga (40 ming dollar) baholanmoqda, bu pulga Rossiyada yangi Toyota Land Cruiser Prado xarid qilish mumkin, deb xabar beradi Motor.

Foto: “Auto.ru”

Sotuvga qo‘yilgan “VAZ-2105” eksport nusxa hisoblanadi. E’lon qilingan suratlarga ko‘ra, avtomobilning tashqi ko‘rinishi va texnik jihati ideal holatda. “Jiguli”ning zavoddagi deyarli barcha plombalari saqlanib qolgan. Mashinaning qolgan elementlariga 23 yil davomida teginilmagan.

Foto: “Auto.ru”

Sotuvchining so‘zlariga ko‘ra, “VAZ-2105” hech qachon hisobda turmagan va sotishdan oldingi tayyorgarlikdan o‘tmagan. Shu munosabat bilan avtomobilda orqani ko‘rishga mo‘ljallangan ko‘zgu, oynadagi cho‘tkalar va magnitola yo‘q. Model saloni to‘liq qora rangda ishlangan. Mashina 71 ot kuchini taqdim etishga qodir 1,5 litrli karbyurator dvigatel yordamida harakatga keladi. Agregat mexanik uzatmalar qutisi yordamida boshqariladi.

Foto: “Auto.ru”

Sotuvchi 10 kilometrgina yo‘l bosgan kolleksion “Jiguli”ni 3 million rublga sotishni rejalashtirmoqda — u avtomobilni hatto Rossiyaning istalgan nuqtasiga yetkazib berishga tayyor.

Foto: “Auto.ru”

Avvalroq Rossiyada 27 yil garajda saqlangan “Jiguli” yangi Spark narxida sotuvga qo‘yilgani, Peterburgda 22 yil garajda saqlangan yangi “VAZ-2104” topilgani, Moskvada ideal holatdagi Lada kolleksiyasi 210 ming dollarga sotilayotgani, Rossiyada zavod plombalari olinmagan 26 yillik “Jiguli” yangi BMW X3 narxida sotuvga qo‘yilgani to‘g‘risida xabar berilgandi.

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”