Yer aholisi tarixdagi eng katta kometani ko‘rishga muvaffaq bo‘ladi

Yangi tadqiqot natijalariga ko‘ra, 2031-yilda Yer aholisi kattaligi 200 kilometr keladigan ulkan muzli obyektni ko‘rishga muvaffaq bo‘ladi. Kometa Pensilvaniya shtatidagi universitet astronomlari tomonidan Chilidagi ulkan teleskop ma’lumotlarini tahlil qilish asnosida topilgan, deb xabar beradi Hi-Tech.Mail.ru.

Kometaga uni tadqiq qilgan ikki astronom — Pedro Bernardinelli va Geri Bernshteyn sharafiga Bernardinelli-Bernshteyn nomi berilgan.

Kometadan qaytayotgan quyosh nuri miqdoriga ko‘ra, uning uzunligi 200 kilometrga yetishi mumkin. Bu oddiy kometalardan ming baravar kattaroq demak. Olimlar ushbu kometa hozirgi vaqtda aniqlangan eng katta osmon jismi ekanligini istisno etmayapti.

Mutaxassislarning hisob-kitoblariga ko‘ra, Bernardinelli-Bernshteyn ayni vaqtda Neptun orbitasida parvoz qilmoqda. O‘n yil davomida u Quyosh tizimining ichki qismiga siljib, yana o‘n yildan so‘ng esa Yerga minimal masofada yaqinlashadi. Uni hatto kichikroq teleskop yordamida ham kuzatish mumkin bo‘ladi.

Eslatib o‘tamiz, 2020-yilning mayida Yer sayyorasi uzra astronomlar “asr kometasi” deb ataydigan ulkan kometa uchib o‘tgan edi.