Shavkat Mirziyoyev 6-iyul, seshanba kuni BMT Bosh Assambleyasi 75-sessiyasi raisi Volkan Bozkir bilan uchrashadi. Bu haqda Prezident matbuot kotibi Sherzod Asadov tomonidan o‘tkazilgan brifingda ma’lum qilindi, deya xabar bermoqda “Daryo” muxbiri.
Asadov, shuningdek, davlat rahbari ishtirokida ushbu haftada rejalashtirilgan boshqa uchrashuv hamda tadbirlarni o‘z ichiga olgan ish jadvali bilan ham tanishtirdi.
Jumladan, 5-iyul, dushanba kuni Shavkat Mirziyoyev qishloq xo‘jaligi mashinasozligi korxonalarining transformatsiyasi yuzasidan taqdimot, 8-iyul, payshanba kuni olimpiya zaxiralarini tayyorlash tizimini takomillashtirish yuzasidan yig‘ilish, 9-iyul, juma kuni raqamlashtirish chora-tadbirlari bo‘yicha taqdimotda qatnashishi ko‘zda tutilmoqda.
Eslatib o‘tamiz, o‘tgan haftada Prezident Turkiya vitse-prezidenti Fuat Oktay bilan uchrashdi hamda mis ishlab chiqarishni rivojlantirish bo‘yicha yig‘ilish o‘tkazdi, davlat aktivlarini xususiylashtirish sohasidagi ishlar natijadorligi va kelgusidagi ustuvor vazifalar muhokamasi yuzasidan videoselektor yig‘ilishi o‘tkazdi, shuningdek, 30-iyun kuni O‘zbekiston yoshlari va talabalari forumi doirasida yoshlar bilan uchrashdi.
Mavzuga doir:
- O‘zbekistonda “temir daftar”dagi oilalarning har bir farzandiga o‘quv qurollari va maktab formasi sotib olish uchun 500 ming so‘mdan beriladi
- Shavkat Mirziyoyev banklarning asosiy faoliyatga xos bo‘lmagan obyektlarni xususiylashtirishga tayyorlash bo‘yicha topshiriq berdi
- O‘zbekistonda davlat mulklarini “1 so‘m”ga sotish amaliyoti bekor qilinadi
Izoh (0)