Bugun,

  • USD 11014.01
  • RUB 191.8
  • EUR 10674.78

Oliy va o‘rta maxsus ta’lim vaziri Abduqodir Toshqulovning ota-onalar va talaba-yoshlarga murojaat bilan chiqib, ommaviy ravishda vaksinatsiyada ishtirok etishga chaqirdi.

Foto: “Daryo” / Madina Nurman

Foto: “Daryo” / Madina Nurman

Abduqodir Toshqulov o‘z murojaatida respublika maxsus komissiyasining qarori bilan 18 yoshdan katta bo‘lgan, bugungi kunda ta’lim olayotgan bakalavriatura, magistratura, klinik ordinatura talabalari koronavirus infeksiyasiga qarshi ixtiyoriy ravishda ommaviy bepul emlanayotganini ta’kidlab o‘tgan.

Shuningdek, koronavirus infeksiyasiga qarshi ixtiyoriy ravishda emlangan, respublikada faoliyat yuritayotgan barcha davlat va nodavlat oliygohlarda to‘lov-kontrakt asosida o‘qiydigan talabalarga 2021/2022-o‘quv yili uchun bazaviy to‘lov kontraktiga 10 foiz miqdorida bir martalik chegirma bonusi berilishini qayd etgan.

Azizlar, avvalo, o‘zimizni, jamiyatimizni asrashimiz kerak. Ko‘chadagi har xil yolg‘on so‘zlarga, vahimaga berilmasdan, ommaviy ravishda vaksinatsiyadan ishtirok etishimiz kerak. Jonajon yurtimizda 700 mingga yaqin talaba bor. Agar hir biringiz 10 kishiga da’vat qilsangiz, qancha-qancha odamlarni asragan bo‘lamiz.

Tug‘ilganimizdan boshlab o‘ndan ortiq vaksina olgan ekanmiz. Dastlabki vaksinalarimiz, tug‘ilganimizning soatlaridan keyin bo‘lgan. Shunday ekan, bugun ilmiy asoslangan, olimlar tomonidan ishlab chiqilgan, bir emas bir nechta vaksina turlari bor sharoitda o‘zingiz, oilangiz, jamiyatni asrashga hissa qo‘shing.

Abduqodir Toshqulov, oliy va o‘rta maxsus ta’lim vaziri

Avvalroq O‘zbekistonda jami vaksina zaxirasi 7 million 440 ming dozaga yetgani, mamlakatda koronavirusga qarshi qo‘llanilgan vaksinalar soni 4 million dozadan oshgani, xalq ta’limi vaziri Sherzod Shermatov koronavirusga qarshi o‘zbek—xitoy vaksinasi bilan emlangani to‘g‘risida xabar berilgandi.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi