Namangan viloyati hokimi Shavkat Abdurazzaqov koronavirusga qarshi emlandi. Bu haqda “Daryo” muxbiri Azizbek Abduvaliyev xabar bermoqda.
Ma’lum qilinishicha, Shavkat Abdurazzaqov 5-iyul kuni tongda Namangan shahridagi ko‘p tarmoqli markaziy poliklinikada emlangan. Bundan oldin emlanishga kelgan mahalliy aholi bilan muloqotda bo‘lgan.
Namangan hokimi Rossiyaning “Sputnik V” vaksinasi bilan emlangani aytilmoqda. Uning holati a’lo darajada ekani bildirilgan.
Viloyat hokimi bilan birgalikda viloyat prokurori Jahongir Hotamov va Namangan shahri hokimi G‘ofirjon Jamalov ham koronavirusga karshi emlangan.
Malumot uchun, Namanganda bugungi kungacha 492662 doza vaksina qo‘llangan bo‘lib, viloyat bu ko‘rsatkich bo‘yicha respublikada birinchi o‘rinda.
Izoh (0)