Bugun,

  • USD 11014.01
  • RUB 191.8
  • EUR 10674.78

Namangan viloyati hokimi Shavkat Abdurazzoqov 3-iyul, shanba kuni Chortoq tumanida bo‘lib o‘tgan “Hokim va yoshlar” uchrashuvida yoshlarni kitob, gazeta o‘qishga qaytarish kerakligini aytdi.

Foto: Namangan viloyat hokimligi matbuot xizmati

Foto: Namangan viloyat hokimligi matbuot xizmati

“Bir balolar bloklandi deb shov-shuv qilishyapti. Uni bir oyga bloklab, hammani kitobga, gazetaga o‘tkazish kerak. Odamlar vaqtini bemaza xabarlar olib qo‘yyapti. Kitob bilan, ota-onasi bilan gaplashadigan qilish kerak. Qaysi yosh ota-onasining oldiga borib, bir soat gaplashib o‘tira oladi? Kattalar ham bir soat gaplashib o‘tira olmaydi. Ammo internetda bir soat, yarim kun, bir kunlab qolib ketadi”, — deydi Shavkat Abdurazzoqov.

Uning ta’kidlashicha, yoshlar bekorchi xabarlar bilan miyasini to‘ldirib olgani uchun ishi yurishmayapti. Shuning uchun ular internetga, o‘yinlarga emas, kitobga, sportga, ota-onasidan duo olishga o‘tirishi kerak.

Eslatib o‘tamiz, Shavkat Mirziyoyev 30-iyun kuni Botanika bog‘ida o‘tkazilgan O‘zbekiston yoshlari va talabalari forumi doirasidagi nutqi davomida ayrim tiktokerlarning xatti-harakatlarini tanqid qilgandi. 2-iyul kuni O‘zbekistonda TikTok va Twitter ishlamay qoldi. Keyinroq “O‘zkomnazorat” mamlakatda ayrim ijtimoiy tarmoqlardan foydalanish rasman cheklanganini ma’lum qildi.

Toshkent shahar hokimi Jahongir Ortiqxo‘jayev 2020-yilning dekabrida Toshkent Yoshlar forumining ochilishiga bag‘ishlangan matbuot anjumanida O‘zbekistonda tiktokerlarga taqiq qo‘yish emas, balki ularni to‘g‘ri yo‘lga yo‘naltirish bo‘yicha ish olib borish kerakligini aytgandi.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi