O‘zbekistonda 3-iyul kuni 467 kishida koronavirus aniqlanib, mamlakatda COVID-19 rasman qayd etilganlar soni 112 597 nafarga yetdi, deb xabar bermoqda Sog‘liqni saqlash vazirligi.
Yangi kasallanganlarning:
- 26 nafari Qoraqalpog‘iston Respublikasida,
- 33 nafari Andijon viloyatida,
- 31 nafari Buxoro viloyatida,
- 46 nafari Jizzax viloyatida,
- 12 nafari Qashqadaryo viloyatida,
- 7 nafari Navoiy viloyatida,
- 25 nafari Namangan viloyatida,
- 41 nafari Samarqand viloyatida,
- 27 nafari Sirdaryo viloyatida,
- 30 nafari Surxondaryo viloyatida,
- 28 nafari Farg‘ona viloyatida,
- 12 nafari Xorazm viloyatida,
- 44 nafari Toshkent viloyatida,
- 105 nafari Toshkent shahrida
Vazirlik tomonidan O‘zbekistonda koronavirusning tarqalishiga doir yuritilayotgan rasmiy statistik ma’lumotlarga ko‘ra, 3-iyul kuni Jizzaxda 46 ta (undan avvalgi antirekord 30-iyunda qayd etilgan — 41 ta), Sirdaryoda esa 27 ta kasallanish holati tasdiqlangani viloyat uchun 2021-yildagi antirekord bo‘ldi. Sirdaryoda ketma-ket oltinchi kun antirekord o‘rnatilmoqda (28-iyun — 15 ta, 29-iyun — 16 ta, 30-iyun — 18 ta, 1-iyul — 20 ta, 2-iyul 23 ta, 3-iyul — 27 ta).
Undan bir kun avval Andijon (38 ta), Buxoro (45 ta), Navoiy (8 ta) viloyatlarida antirekord o‘rnatilgandi. 1-iyul kuni Qoraqalpog‘istonda antirekord o‘rnatilgan (47 ta).
Shuningdek, vazirlikning qo‘shimcha qilishicha, so‘nggi bir kecha-kunduzda jami 360 kishi: Qoraqalpog‘iston Respublikasida 14 nafar, Andijon viloyatida 68 nafar, Qashqadaryo viloyatida 13 nafar, Navoiy viloyatida 20 nafar, Namangan viloyatida 38 nafar, Samarqand viloyatida 60 nafar, Surxondaryo viloyatida 73 nafar, Farg‘ona viloyatida 34 nafar, Toshkent viloyatida 40 nafar bemor tuzaldi. Kasallikdan sog‘ayganlar soni 108 764 nafarga yetdi va sog‘ayish ko‘rsatkichi 96 foizni tashkil etmoqda.
Shuningdek, 2 nafar koronavirusga chalingan bemor vafot etib, kasallikdan vafot etganlar soni 747 nafarni tashkil qildi.
Izoh (0)