Meksikaning Pemex neft-gaz kompaniyasining Meksika ko‘rfazidagi dengiz quvur liniyasida kuchli yong‘in sodir bo‘ldi, yong‘in 78 metr chuqurlikdagi suv ostidan ko‘tarilgan. Hodisadan jabrlanganlar yo‘q, deya xabar berdi “RIA Novosti” mahalliy OAVga tayanib.
“Ertalab soat 4 da Kampech shtati, Syudad del-Karmen sohiliga qarama-qarshi Meksika ko‘rfazi suvlarida Ku-Charly platformasidan 400 metr uzoqlikda joylashgan dengiz quvurida yong‘in qayd etildi”, — deb yozadi Televisa.
Ku-Charly dengiz platformasi yirik Ku Maloob Zaap majmuasi tarkibida ishlaydi. Bu eng yirik neft konlaridan biri bo‘lib, unda kuniga 95 ming barrel neft qazib olinadi.
Yong‘in besh soatdan keyin o‘chirilgan, hodisa joyida uchta o‘t o‘chiruvchi kema ish olib borgan. Pemex kompaniyasi yong‘in sabablarini o‘rganmoqda. Dastlabki ma’lumotlarga ko‘ra, bunga dengiz platformalari orasidagi quvur nazorat klapanlaridan uglevodorodlar oqib chiqishi sabab bo‘lgan.
Mavzuga doir:
Izoh (0)