Toshkent shahridagi Kichik halqa yo‘lining Shayxontohur tumanidan o‘tgan bir qismi tunda vaqtincha yopiladi, deya xabar bermoqda tuman hokimligi matbuot xizmati.
Qayd etilishicha, 1-iyul soat 23:00 dan 2-iyul soat 03:00 ga qadar Shayxontohur tumani KHAY, Ipakchilik ko‘chasi va Qo‘rg‘oncha ko‘chalari kechishmasidan o‘tuvchi irrigatsiya quvurini Jarariq kollektorining yopiq qismiga ulash ishlari olib boriladi.
Shu munosabat bilan KHAYning Qo‘rg‘oncha va Toshko‘cha ko‘chalari oralig‘idagi qismida avtomobillar harakatlanishi vaqtincha cheklanadi.