Sudya amerikalik taniqli qo‘shiqchi Britni Spirsning o‘z otasi Jeyms Spirsni vasiylik maqomidan mahrum qilish borasidagi so‘rovini rad etdi. Bu haqda sud hujjatlariga tayanib, Variety nashri xabar berdi, deb yozadi “Korrespondent.net”.

Spirsning Los-Anjelesdagi sud majlisida onlayn chiqish qilib, otasini uzoq yillik vasiylikdan ozod etish borasida so‘zlagan hissiyotli nutqiga qaramay, sud Britnini “o‘z moliyaviy resurslarini boshqarish, firibgarlik yoki o‘zgalar ta’siriga qarshi turishga deyarli qodir emas” deb topgan.

“Jemys Spirs Bessemer Trust kompaniyasi tomonidan vasiylikdagi shaxsning yagona vasiysi sifatida tayinlanganidan keyin uning maqomini zudlik bilan to‘xtatish borasidagi so‘rov rad etildi”, — deyiladi hujjatlarda.

Eslatib o‘tamiz, 2008-yilda xonanda bilan bog‘liq ruhiy muammolar sabab nafaqat mablag‘lari, balki shaxsiy hayoti va ishini ham nazorat qilgan otasi Jeyms unga vasiy etib tayinlangan.