Ijtimoiy tarmoqlarda Andijon viloyati hokimi Shuhrat Abdurahmonov kenja qizining to‘yi bo‘layotgani haqidagi xabarlar va ushbu tadbirga tegishliligi aytilgan foto va videolar tarqaldi. Unda aytilishicha, to‘y 3 kun bo‘lgan, asosiy tadbir 26-iyun kuni Andijondagi eng katta to‘yxonada bo‘lib o‘tgan.
Viloyat hokimligi matbuot xizmati ushbu xabarlarga munosabat bildirdi. Ma’lum qilinishicha, haqiqatan ham, videolavhaning birinchi qismida Andijon viloyati hokimining qizi va kuyovining unashtiruv marosimidagi suratlar aks etgan.
Andijon viloyati hokimi yaqin kunlarda qizini turmushga uzatganligi ma’lum. Ammo tarqatilgan videoning ikkinchi qismida turli xil kiyim kechaklar, uy-joylar aks ettirilgan suratlar viloyat hokimiga umuman aloqador emasligi, internet tarmoqlaridan ko‘chirib olingan suratlar yordamida tayyorlanganligi aniqlangan.
“Hurmatli ijtimoiy tarmoq foydalanuvchilari, yuqoridagilarni inobatga olib, yolg‘on axborot tarqatish, shu jumladan, ommaviy axborot vositalarida, telekommunikatsiya tarmoqlarida yoki internet tarmog‘ida tarqatish holatlari uchun qonuniy jazo choralari mavjud ekanini eslatib o‘tamiz”, — deyiladi hokimlik munosabatida.
Izoh (0)