Bugun,

  • USD 11014.01
  • RUB 191.8
  • EUR 10674.78

Rossiya qurilish maydonlaridagi mehnat muhojirlarini majburiy emlash uchun qurilish kompaniyalari yonidan ketadigan xarajatlar uy-joy narxlarining o‘sishiga turtki berishi mumkin. Bu haqda “VektorStroyFinans” kompaniyasining boshqaruvchi hamkori Andrey Kolochinskiy “Interfaks”ga aytib o‘tdi.

Foto: “TASS”

Foto: “TASS”

“Butun mamlakat bo‘ylab qurilish kompaniyalarining mehnat muhojirlarini emlashga sarflaydigan xarajatlari yuz millionlab rublni tashkil qiladi. Kompaniyalar moliyaviy yo‘qotishlarni qanday qoplaydi, degan savolga javob sirtda yotibdi — kvadrat metr narxini oshirish orqali”, — deya ta’kidladi ekspert.

Uning fikriga ko‘ra, mehnat muhojirlarini boshqa fuqarolar bilan teng ravishda bepul emlash narxlar dinamikasini pasaytirishga yordam beradi.

Eslatib o‘tamiz, Moskvada mehnat muhojirlarini koronavirusga qarshi bir komponentli “Sputnik Layt” vaksinasi bilan emlash boshlandi. Rossiyadagi chet ellik ishchilar uchun emlanish pullik. Mehnat muhojirlari 1300 rubl (190 ming so‘m) evaziga koronavirusga qarshi emlanishi mumkin. Vaksinatsiya xizmatlari uchun ish beruvchi pul to‘laydi.

Davlat rahbari Vladimir Putin 15-iyungacha mehnat muhojirlarini koronavirusga qarshi emlashni tashkillashtirishni buyurgandi. Farmonga muvofiq, birinchi bo‘lib, allaqachon mamlakatda bo‘lib turgan mehnat muhojirlari va chet el fuqarolarini emlash masalalari ko‘rib chiqilayotgani aytildi.

Bosh vazir o‘rinbosari Marat Xusnullin hukumat qurilish sohasi uchun mamlakatga mehnat muhojirlarini olib kirishning soddalashtirilgan variantini ko‘rib chiqayotganini ma’lum qildi. Mehnat muhojirlarining yetishmasligi hozirda Rossiyaning qurilish sohasida asosiy muammo bo‘lib qolmoqda.

Mart oyining boshida Rossiya Qurilish vazirligi mamlakat qurilish maydonlariga 1,2 millionga yaqin ishchi yetishmayotganini ma’lum qilgan. Ushbu muammoni hal qilish maqsadida Qurilish vazirligi bo‘sh o‘rinlarni to‘ldirish uchun muhojirlarni olib kirish mexanizmiga o‘zgartirish kiritmoqda.

Shuningdek, mahbuslarni qurilish maydonlariga jalb qilish imkoniyati ham ko‘rib chiqilmoqda. Xususan, Moskvada muhojirlar o‘rniga mahbuslarni qurilish ishlariga jalb qilish boshlab yuborilgan.

Izoh
Asosiy yangiliklar
Dunyo
Qozog‘istonning Rossiya bilan chegarasidagi tirbandliklar tugamoqda — OAV
Mahalliy
“Uyiga begona erkaklarni olib kelmaslik masalasida tortishgan”. Onasini o‘ldirgan buxorolik yigit voqeasining sababi ochiqlandi
Mahalliy
Shavkat Mirziyoyev rasmiy tashrif bilan Vengriyaga jo‘nab ketdi