“Daryo”ni Telegram’da o‘qing! Join!
16:41, 30.06.2021 27348

Kir yuvish mashinasini qanday tozalash mumkin?

Kir yuvish mashinasidan yomon hid anqishi va baraban rezinkasining qorayishi unda bakteriyalar to‘planib mog‘or paydo bo‘lishi mumkinligini bildiradi.

Foto: “Domashniy ochag”

Umumiy (frontal) “zagruzka”

Kir yuvish mashinangizning “toza baraban” funksiyasi bo‘lsa, juda yaxshi, yo‘q bo‘lsa, kukun soladigan bo‘lmaga xlorli oqartiruvchi vositadan bir stakan soling va mashinani ishga tushiring. Keyin barabanni quruq qilib arting. Dispenser qutisini oling va uni iliq suvda chaying. Yumshoq gubka bilan kir yuvish kukunidan qolgan qoldiqlarni tozalang.

Vertikal “zagruzka”

Oddiy yuvish sikli, eng issiq suv harorati hamda qo‘shimcha chayishni tanlang. Bir stakan xlorli oqartiruvchi vositani dispenser ichiga soling. Kir yuvish kukunidan foydalanishga hojat yo‘q. To‘liq siklga qo‘ying va bakteriyalar o‘lishi uchun quritish rejimidan ham foydalaning. Keyin yuqoridagi singari yaxshilab artib, quriting.

Quyidagilarga ham amal qilish tavsiya qilinadi:

  • Kirlarni yuvib bo‘lgandan keyin kir yuvadigan mashina eshigini kamida bir soatga ochiq qoldiring.
  • Kir sochiqni kir mashina ichiga solishdan avval u bilan baraban rezinkasi va kir yuvish kukunidan qolgan qoldiqlarni artib tashlang.