Sirdaryo viloyati Mirzaobod tumani vakillari Rim shahridagi “Palasso dei Kongressi” saroyida o‘tkazilgan “Ta’m ustalari” nomli II milliy ko‘rgazmada ishtirok etib, faxrli o‘rinlardan birini qo‘lga kiritdi. Bu haqda tuman hokimligi axborot xizmati xabar berdi.
Ma’lum qilinishicha, “Ta’m ustalari” deb nomlangan Italiyaning II milliy ko‘rgazmasida birinchi marta turli mamlakatlardan tashrif buyurgan mohir oshpazlar o‘rtasida “Dunyo muzqaymoqlari avlodi” deb nomlangan xalqaro tanlov o‘tkazilgan. Ta’kidlanishicha, tanlovda italiyalik mohir oshpaz Eugenno Morrone tomonidan Mirzaobod qovunlaridan tayyorlangan muzqaymoqlar faxrli ikkinchi o‘ringa munosib topilgan.
Musobaqa shartlariga ko‘ra, muzqaymoqlar mevalar yoki boshqa mamlakatlarda yetishtiriladigan mahsulotlardan tayyorlanishi kerak bo‘lgan. Muzqaymoq tayyorlashda Sirdaryo viloyati Mirzaobod tumanidan keltirilgan qirqma, qariqiz, qoraqand nomli qovun navlaridan foydalanilgan.
Izoh (0)