AQShda 1935-yilda ishlab chiqarilgan ikkita kabrioletdan biri auksionning eng qimmat lotiga aylandi

Bring a Trailer auksionida 1935-yilda ishlab chiqarilgan noyob Duesenberg JN kabrioleti 1,341 million dollarga sotilib, yangi rekord o‘rnatdi, deb xabar beradi Motor. Ma’lumotlarga ko‘ra, ushbu kabrioletdan ikki nusxa (boshqa versiyada uch nusxa deyiladi) yaratilgan va ulardan biri 25-iyun kuni sotuvga qo‘yilgan. Oradan to‘rt kun o‘tib, kabriolet o‘zining yangi egasini topgan.

Duesenberg kompaniyasiga 1913-yilda AQShda asos solingan va u faqat lyuks hamda poyga avtomobillarini ishlab chiqarishga ixtisoslashgan. Aka-uka Dyuzenberglarning modellari qo‘lda yig‘ilgani uchun yuqori baholanib kelgan. 1921-yilda Duesenberg avtomobili hatto Fransiya Gran-prisida g‘oliblikni qo‘lga kiritgan. Poygadagi muvaffaqiyat yangi investorlarni jalb etib, marka obro‘sini ko‘tarib yuborgan. Shundan so‘ng, u juda tez ommalashib, nafaqat Amerika, balki Yevropa bozorini egallagan. Duesenberg mashinalari boylik va yuqori martaba zamziga aylangan — ularni hatto Yevropadagi qirollik oilalari vakillari ham xarid qilishni boshlagan.

Biroq 1929-yilning 29-oktabridagi “qora payshanba”da barchasi o‘zgargan. AQSh tarixidagi eng yirik birja kasodi ortidan jahon iqtisodiyotida og‘ir davrlar boshlangan. Inqiroz bir nechta avtomobil ishlab chiqaruvchini yakson qilgan, biroq Duesenberg kompaniyasi yana bir necha yil faoliyat ko‘rsatib, hatto J infeksi ostida 481 ta mashinasini chiqargan. Ammo 1937-yilda firma yopilgan — bu o‘sha vaqtda markazga egalik qilgan Korda moliyaviy imperiyasining kasodi sabab sodir bo‘lgan. Dyuzenbergning so‘nggi nusxasi 1938-yildan 1940-yilga qadar yig‘ilgan.

Sotuvga qo‘yilgan avtomobil JN indeksiga ega, kompaniya esa hech qachon bundan foydalanmagan. Uni Duesenberg 1935-yildan to‘qqizta shassi sotgan Rollston kuzov atelyesi yasagan. Turli ma’lumotlarga ko‘ra, ularning ikki yoki uchtasining tom qismi ochiladigan bo‘ldi. Auksionga qo‘yilgan avtomobil butun umrini xususiy kolleksionerlar qo‘lida o‘tkazgan. Kabriolet kuzovi bir necha bor restavratsiya jarayonida bo‘yalgan: avvaliga qizil rangga, keyin sariq va oxir-oqibat to‘q ko‘k rangga.

Bring a Trail auksioni orqali sotilgan bundan oldingi rekord 1956-yili Mercedes-Benz 300 SL Gullwing modeliga tegishli bo‘lib, u 2019-yilda 1 234 567 dollarga sotilgandi.