Qashqadaryo viloyati Qarshi shahridagi ko‘lning o‘rtasida qolib ketgan kema va uning yo‘lovchilariga yordam ko‘rsatildi, deya xabar bermoqda Favqulodda vaziyatlar vazirligi axborot xizmati.
Hodisa 28-iyun kuni tunda Qarshi shahrida sodir bo‘lgan. 16 yo‘lovchidan iborat kichik kema (kater) sayozligi bois ko‘l o‘rtasida qolib ketgan.
Ushbu holatdan chiqib ketish uchun bir necha bor muvaffaqiyatsiz urinishlardan so‘ng, kema egasi Qashqadaryo viloyati Favqulodda vaziyatlar boshqarmasi qutqaruv guruhini yordamga chaqirgan.
Favqulodda vaziyatlar vazirligi xodimlari kemani sohilga yetkazib, yo‘lovchilarni xavfsiz hududga evakuatsiya qilgan. Hodisadan jabrlanganlar yo‘q.
Bundan avval Samarqanddagi suv omborida cho‘kib ketayotgan fuqaro qutqarib qolingani, O‘zbekistonda yoz mavsumigacha necha kishi cho‘kish bilan bog‘liq baxtsiz hodisaga uchragani ma’lum qilingani hamda Toshkentda yong‘indan omon qolishga uringan qiz 4-qavatdan sakragani haqida xabar berilgandi.
Izoh (0)