Moskvada bir haftalik jazirama issiqdan so‘ng, 28-iyun kuni “super jala” yog‘di. Kunning o‘rtalariga kelib poytaxtdagi ba’zi yo‘llarni suv bosdi, shamol binolarning tomlarini qisman uchirib ketdi. Poytaxtdagi kuchli yog‘ingarchilik oqibatlari haqida “RBK” fotoreportaj tayyorladi.
Moskvada 28-iyun kuni ob-havo yomonlasha boshladi. Favqulodda vaziyatlar vazirligi kun oxirigacha shaharda nafaqat yomg‘ir yog‘ishi, balki momaqaldiroq bo‘lishi, 23 m/sekundgacha tezlikda shamol esishi va do‘l yog‘ishi haqida ogohlantirdi.
Yomg‘ir tufayli metropolitenning ikkita qismida poyezdlar harakati darhol to‘xtatildi. Yerosti yo‘lini suv bosdi. Avtomobillar g‘ildiragi suv ostida qolgan. Shuningdek, yo‘llarni, Borovskiy shossesining bir qismini hamda piyodalar yo‘laklarini suv bosdi.
Suv toshgan yo‘llar va qulagan daraxtlar tufayli avtobus va tramvaylar harakatida uzilishlar bo‘ldi. Noqulay ob-havo poytaxt aeroportlari ishiga ham ta’sir ko‘rsatdi. Sheremetyevoda 11 ta, Domodedovo va Vnukovoda 13 tadan reys kechiktirildi. Uchala aeroportda jami 10 ta reys bekor qilindi.
Kuchli shamol “Pravda” gazetasi kombinati binosining tomini uchirib yubordi. Bino joylashgan ko‘chada transport harakatining ikkala yo‘nalishi ham berkildi. Shuningdek savdo markazlaridan birining tomi ham qisman qulab tushdi, Novokosinoda shamol qurilish maydonidagi izolyatorni uchirib ketdi.
Podmoskovye ham jiddiy zarar ko‘rdi. Ramenskoyeda kuchli shamol tufayli qurilish krani qulab tushdi. Shelkovoda transformator butkasini chaqmoq urib yonib ketdi. Moskvaning ba’zi tumanlariga bir necha soat ichida bir oylik yog‘ingarchilikning 70 foizi tushdi. Janubi-g‘arbiy qismdagi suv toshqini ayniqsa kuchli bo‘ldi. (53 millimetrgacha).
Mavzuga doir:
Izoh (0)