Amerika Kubogining A guruhida 29-iyun, seshanba kuni so‘nggi tur o‘yinlari o‘tkazildi.
Argentina terma jamoasi Boliviyaga qarshi bahs olib bordi. Uchrashuvning 6-daqiqasida Alexandro Gomes nominal mehmonlarning dastlabki golini urdi. Tanaffusga qadar Lionel Messi dubl qayd etib, hisobni yirik ko‘rinishga olib keldi. 60-daqiqada Boliviya javob to‘pini kiritgan bo‘lsa, 65-daqiqada Lautaro Martines yakuniy hisobni o‘rnatdi.
Guruhning ikkinchi o‘yini Urugvay va Paragvay terma jamoalari o‘rtasida kechdi. Edinson Kavani tomonidan kiritilgan yagona to‘p o‘yin taqdirini hal qildi.
Argentina guruhda birinchi o‘rinni qo‘lga kiritdi, Urugvay esa ikkinchi bo‘ldi.
Amerika Kubogi—2021
5-tur bahslari
29-iyun, seshanba
Boliviya — Argentina 1:4
Gollar: 0:1 – 6 Gomes, 0:2 – 33, penalti Messi, 0:3 – 42 Messi, 1:3 – 60 Saavedra, 1:4 – 65 Martines.Boliviya: Lampe, Saavedra (Vilyarroel, 85), Akin, Juzino, Fernandes (Vayyar, 81), Xustiniano, Chura (Vaka, 61), Vaka, Sespedes (Sagredo, 61), Bexarano, Alvares (Ramalyo, 61).
Argentina: Armani, Montiyel, Petsselya, Martines, Akunya, Rodriges (Paredes, 71), Palasios (Dominges, 71), Korrea (Lo Chelso, 64), Messi, Gomes (Alvares, 56), Aguero (Martines, 63).
Ogohlantirishlar: Ramalyo (86), Akunya (90), Vayyar (90).
Urugvay — Paragvay 1:0
Gol: 1:0 – 21, penalti Kavani.Urugvay: Muslera, Nandes, Godin (Koates, 46), Ximenes, Vinya, Valverde (Torreyra, 76), Vesino (Kaseres, 57), Bentankur, de la Krus, Kavani (Suares, 68), de Arraskaeta (Torres, 67).
Paragvay: Silva, Espinola (Martines, 57), Roxas, Alonso, Alderete, Samudio (Kubas, 73), Vilyasanti, Ximenes (Sanches, 74), Romero, Almiron (Romero, 33), Avalos (Gonsales, 57).
Ogohlantirishlar: Alderete (43), Alonso (81).
Izoh (0)