Shimoliy Koreya televideniyesi Kim Chen Inning ozib ketganini tan oldi. Televideniyeda uning sog‘lig‘i Pxenyandagilarni tashvishga solayotgani haqida hikoya qiluvchi intervyu paydo bo‘ldi, deb yozadi “Korrespondent.net”.
“Hurmatli bosh kotibning ozib ketganini ko‘rib, odamlar qattiq qayg‘uga tushdi. Ularning hammasi ko‘zlariga yosh olganini aytmoqda”, — dedi Shimoliy Koreya fuqarolaridan biri intervyuda.
Iyun oyining boshida Kim Chen In bir oydan buyon birinchi marta jamoatchilik oldida paydo bo‘lib, Mehnat partiyasining sakkizinchi Markaziy qo‘mitasi siyosiy byurosi majlislarini o‘tkazdi. Ommaviy axborot vositalari ta’kidlashicha, ushbu uchrashuvdan olingan fotosuratlarda Shimoliy Koreya rahbarining sezilarli darajada ozib ketgani aks etgan. Xususan, Kim Chen In qo‘l soati bog‘ichini odatdagidan ko‘ra tortibroq bog‘laganini ko‘rish mumkin.
Avvalroq Kim Chen In Shimoliy Koreyada oziq-ovqat bilan bog‘liq vaziyat “tarang”ligini aytgandi. Shimoliy Koreya rahbarining so‘zlariga ko‘ra, 2020-yilgi tayfun oqibatida g‘alla yetishtirish rejasi bajarilmay qolgani bunga sabab bo‘lmoqda. Shuningdek, mamlakatda koronavirus tarqalishiga qarshi qo‘llanilgan choralar vaziyatni yanada og‘irlashtirgan.
Shuningdek, Kim Chen In Koreya Mehnat partiyasi KXDRni barcha qiyinchiliklardan olib chiqishiga qasamyod qilgan.
Mavzuga doir:
- Kim Chen In AQSh bilan muloqotga ham, to‘qnashuvga ham tayyor turish kerakligini aytdi
- Kim Chen In Janubiy Koreya musiqa va filmlariga qarshi urush e’lon qildi. “Key-pop”ni tinglagan shimoliy koreyaliklarni mehnat lagerlarida 15 yillik jazo kutmoqda
- KXDR yetakchisi kasaba uyushmalarini “hozirgi qiyin yillarda” Mehnat partiyasi tomonidan qo‘yilgan maqsadlarni bajarishga chaqirdi
Izoh (0)