Prezident matbuot kotibi Sherzod Asadov 28-iyun, dushanba kuni o‘tkazilgan brifingda Shavkat Mirziyoyevning joriy haftadagi ish grafigini ma’lum qildi. Bu haqda “Daryo” muxbiri xabar bermoqda.
Ta’kidlanishicha, bugun, 28-iyun kuni davlat rahbari Turkiya Respublikasi vitse-prezidenti Fuat Oktay bilan uchrashadi hamda mis ishlab chiqarishni rivojlantirish bo‘yicha yig‘ilish o‘tkazadi.
“Seshanba kuni davlat aktivlarini xususiylashtirish jarayonlari, payshanba kuni uzum yetishtirish va qayta ishlash masalalari bo‘yicha taqdimotlar o‘tkazilishi mo‘ljallangan.
Davlatimiz rahbari 30-iyun kuni O‘zbekiston yoshlari va talabalari forumi doirasida yoshlar bilan uchrashadi. Hafta davomida respublika hududlariga amaliy tashrif ham rejalashtirilgan. Bu haqda qo‘shimcha tarzda batafsil ma’lumot beramiz”, — dedi Asadov.
Izoh (0)