Jizzax va Buxoro viloyatlarida yerlarni firibgarlik yo‘li bilan sotmoqchi bo‘lgan shaxslar qo‘lga olindi, deya xabar bermoqda Bosh prokuratura huzuridagi Departament matbuot xizmati.
Qayd etilishicha, Departament hamda DXXning Jizzax viloyati boshqarmalari tomonidan o‘tkazilgan tezkor tadbirda muqaddam firibgarlik jinoyati uchun sudlangan fuqaro R.M. Sharof Rashidov tumanida joylashgan, 0,16 gektar zaxiradagi suvli yerni fuqaro R.ga keyinchalik yer uchastkasi qurish uchun hujjat rasmiylashtirib berishini va’da qilib, evaziga 120 million so‘mni olgan vaqtida ashyoviy dalillar bilan ushlangan.
Xuddi shunday, Departamentning Buxoro shahar bo‘limi tomonidan o‘tkazilgan tezkor tadbirda esa fuqaro O.K. boshqa bir fuqaro Sh.ni aldab, unga shahardagi “Udirg‘i” aholi punktida joylashgan 9 sotix zaxira yer maydonini firibgarlik yo‘li bilan 4700 AQSh dollariga sotishni va’da qilib, shundan 4200 dollarini olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Bunda avval Toshkent viloyatida qalbaki 1100 dollarni 500 dollarga sotmoqchi bo‘lgan shaxslar ushlangani, Chirchiq davlat pedagogika institutiga o‘qishga kiritib qo‘yish uchun ikki kishidan 9 ming dollar olgan yana bir shaxs qo‘lga olingani hamda Qarshida hokimlik zaxirasida turgan bo‘sh yerni 70 million so‘mga sotmoqchi bo‘lgan shaxs ushlangani haqida xabar berilgandi.
Izoh (0)