O‘zbekiston 2021-yilning yanvar—may oylarida xorijiy davlatlarga qiymati 134,9 million dollarlik yengil avtomobillarni eksport qilgan, deb xabar beradi Davlat statistika qo‘mitasi.
Yengil avtomobil eksporti o‘tgan yilning mos davriga nisbatan 84,6 million AQSh dollariga oshgan. O‘zbekiston yengil avtomobil eksport qilgan asosiy davlatlar:
- Qozog‘iston – 127,1 million dollar;
- Afg‘oniston – 2,7 million dollar;
- Ukraina – 2,3 million dollar;
- Qirg‘iz Respublikasi – 1,0 million dollar;
- Rossiya – 955,9 ming dollar;
- Ozarbayjon – 444,7 ming dollar;
- Tojikiston – 339,1 ming dollar.
May oyida O‘zbekiston eksport qilayotgan avtomobillarning deyarli barchasi Qozog‘iston hisobiga to‘g‘ri kelayotgani to‘g‘risida xabar berilgandi.
Izoh (0)