Bugun,

  • USD 11095.31
  • RUB 173.84
  • EUR 10772.44

Londonning sharqiy qismiga 25-iyun, juma oqshomida kuchli tornado yog‘ildi. Hodisa uzoq davom etmagan, ammo o‘zidan ko‘plab talafotlar qoldirgan, deb yozadi Sky News.

Foto: Sky News

Foto: Sky News

London politsiyasiga juma kuni kechqurun soat 19:20 (Toshkent vaqti bilan 15:20) atrofida Barking tumanidagi bir necha ko‘chalarni tornado bosib o‘tgani haqida xabar kelib tushdi. Tabiiy ofat to‘siqlar va devorlarni vayron qilib, mashinalarni shikastlagan.

Guvohlarning xabar berishicha, soat 19:15 da to‘satdan kuchli shamol esgan. Dovul panjara ustunlarini yiqitgan, chiqindilarni uygan va ularni “tornado kabi aylantirib” ko‘targan.

“Chiqindi va polietilen paketlar tornado kabi aylanardi. Bu dahshatli edi, chunki og‘ir narsalar ham havoga ko‘tarildi. Vahimaga tushdim, uy qulab tushadi deb o‘yladim”, — deya voqeani tasvirlagan tuman aholisi ijtimoiy tarmoqlarda.

Eng qizig‘i, deb yozadi nashr, barchasi “bir necha daqiqada” tugagan, ammo olti-yettita ko‘chaga zarar yetkazish uchun shuning o‘zi kifoya qilgan: uylarning tomi buzilgan, deraza oynalari singan, ko‘plab avtomobillarga zarar yetgan.

Bir necha daqiqadan so‘ng voqea joyiga favqulodda xizmatlar yetib kelgan. Hodisadan hech kim jarohat olmagan. Hammasi shu qadar tez sodir bo‘lganidan politsiya bu tornado yoki boshqa tabiiy hodisa ekanligini tasdiqlay olmaydi.

“19:20 atrofida politsiyaga Xals-avenyu va Barking hududidagi ba’zi yo‘llarda tomlar, elektr jihozlari buzilgani, transport vositalarining shikastlangani to‘g‘risidagi xabar bilan murojaat qilindi. Bu ob-havo bilan bog‘liq bo‘lib, hodisa paytida chaqmoq urishi yuz bergan. Biz tornado haqida xabarlarni ko‘rdik, ammo buni tasdiqlay olmaymiz”, — deyiladi politsiya bayonotida.

Politsiya, shuningdek, qurbonlar haqida hech qanday ma’lumot yo‘qligini qo‘shimcha qildi.

Izoh
Asosiy yangiliklar
Mahalliy
Nukus voqealari bo‘yicha sudlangan Polat Shamshetov tergov hibsxonasida vafot etdi
Dunyo
Turkiyada 7,4 magnitudali zilzila yuz berdi
Dunyo
Moskva metrosidagi eng yirik terakt, Olimpiada o‘yinlariga mezbonlik qilgan Gitler va 25 yoshida Britaniya taxtiga o‘tirgan Yelizaveta. Kun xronologiyasida 6-fevra...