O‘zbekistonda may oyida qaysi avtomobil eng ko‘p ishlab chiqarilgani ma’lum qilindi

Avtomobil ishlab chiqarish sanoatida 2021-yilning may oyida Cobalt avtomobili eng ko‘p — 6 836 dona ishlab chiqarilgan. Bu haqda Davlat statistika qo‘mitasi ma’lum qildi.

Yil boshidan buyon ishlab chiqarilgan ushbu avtomobil soni ham qolgan rusumdagi avtomobillar sonidan ko‘p bo‘lgan (25 059 dona).

2021-yilning may oyida ishlab chiqarilgan boshqa avtomobillar soni esa quyidagicha:

•  Damas — 5 133 dona;
•  Lacetti-Gentra — 4 801 dona;
•  Nexia T-250 — 1 851 dona;
•  Spark — 1 119 dona;
• Labo — 1 067 dona.

Ma’lum qilinishicha, 2021-yilning may oyida aprel oyiga qaraganda 1295 dona Cobalt, 1153 dona Lacetti-Gentra ko‘p ishlab chiqarilgan. Qolgan boshqa rusumlarda kamayish kuzatilgan. 2021-yil may oyida ishlab chiqarilgan jami yengil avtomobillar soni 20 807 tani tashkil qilgan.