O‘zbekiston Turkiy tilli davlatlar parlament assambleyasiga (TurkPA) a’zo bo‘lish to‘g‘risida qaror qabul qildi. Bu haqda Senat raisining birinchi o‘rinbosari Sodiq Safoyevga tayanib, Anadolu agentligi xabar berdi.
Ma’lum qilinishicha, Toshkentda Oliy Majlis Senati raisining o‘rinbosari TurkPA delegatsiyasi bilan uchrashuv o‘tkazgan. Turkiya parlamenti deputati Ismet Uchma boshchiligidagi delegatsiya tarkibida Qozog‘iston, Qirg‘iziston va Turkiya parlamentariylari ham tashrif buyurgan.
Tomonlar Turkiy davlatlar kengashi a’zolari va O‘zbekiston o‘rtasidagi ikki tomonlama munosabatlar, shuningdek, TurkPA va O‘zbekiston parlamenti o‘rtasidagi hamkorlikni rivojlantirish masalalarini muhokama qilgan.
Ta’kidlanishicha, Sodiq Safoyev O‘zbekistonda kelajakda TurkPAga qo‘shilish bo‘yicha qaror qabul qilgan.
Ma’lumot uchun, TurkPA (2008-yilda tashkil etilgan) mamlakatlar parlamentlari o‘rtasidagi muloqotni rivojlantirishga qaratilgan. Assambleya tomonidan qabul qilinadigan barcha qarorlar faqat tavsiyaviy xarakterga ega. Ozarbayjon, Turkiya, Qozog‘iston va Qirg‘iziston davlatlari TurkPA a’zolari hisoblanadi.
Eslatib o‘tamiz, 2021-yilning 31-mart kuni Shavkat Mirziyoyev Turkiy tilli davlatlar hamkorlik kengashining norasmiy sammitida ishtirok etib, o‘z nutqida mustahkam tarixiy rishtalar, mushtarak til, madaniyat va ma’naviy qadriyatlar asosida shakllangan Turkiy tilli davlatlar hamkorlik kengashi mintaqaviy hamkorlikning samarali mexanizmiga aylanib borayotganini alohida ta’kidlagandi.
Izoh (0)