Bugun,

  • USD 11095.31
  • RUB 173.84
  • EUR 10772.44

Hindistonda uch qatorli o‘rindiqqa ega Hyundai Creta’ning uzaytirilgan versiyasi — Alcazar 22 ming dollar narxida sotuvga chiqdi. Yangi model ham benzin, ham dizelda harakatlanib, ishlab chiqaruvchi tomonidan premium model sifatida e’tirof etilmoqda, deb xabar beradi Motor.

Foto: Hyundai

Foto: Hyundai

Uzaytirilgan Alcazar tashqi ko‘rinishi bilan standart Creta’dan farq qiladi: uning optikasi boshqacha, radiator panjarasi kumushsimon oktan va to‘rsimon naqshlarga ega, shuningdek, fonarlari yangicha dizaynda. Bundan tashqari, uzaytirilgan krossoverga 18 dyuymli diskalar o‘rnatilgan. Biroq eng asosiy farqi — bu uning o‘lchamlarida. Hyundai Alcazar uzunligi 4,5 metrga yetadi, ya’ni u oddiy Creta’dan 20 santimetrga uzunroq, yetti o‘rindiqli krossover o‘qlari orasidagi masofa esa 2,76 metrni tashkil etadi. Buning natijasida modelning orqa qismi uzaygan va qo‘shimcha oyna seksiyalari paydo bo‘lgan.

Alcazar Hindistonda nafaqat 2+3+2 ko‘rinishida, balki 2+2+2 — ikkinchi qatorda ikkita o‘rindiqli variantda ham taqdim etilgan. Old o‘rindiqlarning orqa qismida yig‘iladigan stolchalar o‘rnatilgan, yukxona hajmi esa 180 litrni tashkil etadi. Interyerining qolgan qismi standart Creta’dan farq qilmaydi.

Foto: Hyundai

Foto: Hyundai

Creta’dan yana bir farqi — dvigataller gammasi. Alcazar 115 ot kuchiga ega 1,5 litrli dizel, shuningdek, 159 ot kuchini taqdim etuvchi benzinli 2,0 litrli yangi “atmosfernik” bilan jihozlangan. Transmissiya — olti pog‘onali avtomat yoki mexanik uzatmalar qutisi. Benzin modifikatsiyasi narxi 1,63 milliondan 1,98 million rupiy (21,8—26,7 ming dollar) atrofida bo‘lgan, dizelli varianti esa 1,65—2 million rupiy (22—27 ming dollar)ni tashkil etadi.

Foto: Hyundai

Foto: Hyundai

Taqqoslash uchun, besh o‘rindiqli Hyundai Creta Hindiston bozorida 1 million rupiy (13,5 ming dollar) turadi.

Avvalroq Hyundai 2025-yilga borib aeroportlarda uchar taksilar xizmatini ishga tushirishni rejalashtirayotgani to‘g‘risida xabar berilgandi.

Izoh
Asosiy yangiliklar
Mahalliy
Soliqlar, jarimalar, kommunal va boshqa to‘lovlarni qanday qilib uydan chiqmasdan to‘lash mumkin?
Mahalliy
BAA O‘zbekiston zargarlik sanoatiga investitsiya kiritishi kutilyapti
Dunyo
Zelenskiyning rafiqasi ukrainaliklar chiroqsiz va issiqliksiz yashashga roziligini ma’lum qildi