Uzbekistan Airways 18-iyundan boshlab haftaning juma kunlari amalga oshirilayotgan Toshkent—Dehli—Toshkent yo‘nalishi bo‘yicha aviaqatnovlarni bekor qiladi.
Kompaniya matbuot xizmatining xabar berishicha, bu Hindistonda yuzaga kelgan epidemiologik vaziyat munosabati bilan O‘zbekistonga koronavirusning kirib kelishi va tarqalishining oldini olish bo‘yicha chora-tadbirlar dasturini tayyorlash bo‘yicha respublika maxsus komissiyasining qaroriga muvofiq amalga oshiriladi.
Uzbekistan Airways yuzaga kelgan noqulayliklar uchun uzr so‘rab, yo‘lovchilarga bekor qilingan qatnov aviachiptasi uchun pul mablag‘larini qaytarib olishni taklif etgan.
Eslatib o‘tamiz, Hindiston fuqaro aviatsiyasi boshqarmasi tomonidan avval berilgan ruxsatnomaning bekor qilinishi sabab Toshkent—Dehli yo‘nalishi bo‘yicha 11-iyun kuni soat 02:05 da uchadigan HY 421 reysi qoldirilgandi. Keyinroq bekor qilingan ushbu reys 12-iyun kuni Toshkent vaqti bilan 3:00 da amalga oshirilgandi.
Izoh (0)