2020-yilning iyunida Irina Sheyk va Kanye Uest Moviy qirg‘oqda dam olib, reperning 44 yoshga to‘lganini nishonlagan. Bir-biri bilan uchrashishni boshlagan juftlikning munosabatlari jiddiy bo‘ladigan bo‘lsa, Kanyega yaqin bo‘lish uchun Irinaning Nyu-Yorkdan Los-Anjelesga ko‘chib o‘tishiga to‘g‘ri keladi.
Ma’lumotlarga qaraganda, reper Kim bilan ajrashganidan keyin 2,2 million dollar turadigan ranchoga ko‘chib o‘tgan.
Rancho hududida oltita yotoqxona va yettita vanna xonani o‘z ichiga oladigan ikkita mehmonlar uchun mo‘ljallangan uyni uchratish mumkin.
Shuningdek, otxona, ustaxona va hovuz yoki tokzor uchun yer hududi mavjud. An’anaviy kantri usulidagi interyer bilan bezatilgan. Rancho Kim bolalari bilan yashaydigan Xidden-Xillzdagi uydan uzoq bo‘lmagan hududda joylashgan.
Eslatib o‘tamiz, 6 yil birga yashagan juftlikning 2020-yil oxirida ayrilishiga reperning Kim birinchi homiladorligida abort qilmoqchi bo‘lganini aytgani sabab bo‘lgan. Kanyening emotsional tvitidan keyin Kim uni psixik kasallikdan aziyat chekishini e’lon qilgan. Juftlikning to‘rt nafar: 7 yoshli Nort, 5 yoshli Seynt, 3 yoshli Chikago hamda 2 yoshli Psalm ismli farzandlari bor.
Mavzuga doir:
- “Muhtasham yuz yil” seriali yulduzi Mohidavron − Nur Fettaho‘g‘luning dabdabali uyiga sayohat (foto)
- Turkiyaning eng taniqli aktyorlaridan biri – Burak O‘zchivit qanday uyda yashaydi? (video)
- Gollivud aktrisasi Keyt Uinsletning Nyu-York markazida joylashgan ikki qavatli pentxausiga sayohat (foto)
- Gollivud aktrisasi Skarlet Yoxanssonning Nyu-Yorkdagi 2 million dollarlik pentxausiga sayohat (foto)
Izoh (0)