Bugun,

  • USD 11095.31
  • RUB 173.84
  • EUR 10772.44

Xitoyning Everbright kompaniyasi 10 kishini tashishga mo‘ljallangan elektromobilni yaratdi, deb xabar beradi IXBT.

Foto: IXBT

Foto: IXBT

Mashinaning uzunligi 3600 millimetrni, eni — 1400, balandligi esa 1700 millimetrni tashkil etadi.

Old tomonida bir juft o‘rindiq, salonning yon qismida esa ikki qator o‘rindiqlar joylashgan. Aftida 10 kishi — bu xitoyrliklarning gavda tuzilishidan kelib chiqilgan juda optimistik prognoz. Ammo avtomobil Yevropa bozoriga chiqishi dargumon, chunki ishlab chiqaruvchi mashinani yevropaliklarni moslab yaratishni o‘ylamagan.

Orqa o‘rindiqlarni ko‘tarib qo‘yib, mashinadan yuklarni tashishda ham foydalanish mumkin. Xitoy elektromobili orqani ko‘rishga mo‘ljallangan kamera, shuningdek, tom qismiga o‘rnatilgan quyosh paneli bilan jihozlangan — bu qo‘shimcha 40 kilometr yurish imkonini beradi.

Foto: IXBT

Foto: IXBT

Akkumulyator sifatida sig‘imi 7,2 kilovatt/soatga teng qo‘rg‘oshin-kislotali batareyadan foydalanilgan bo‘lib, uning yordamida bir marta quvvatlanish orqali 120 kilometr yo‘l bosish mumkin. 6,7 ot kuchini taqdim etishga qodir elektrodvigatel soatiga 40 kilometrgacha tezlikda harakatlanishni ta’minlaydi. Shu bilan birga, avtomobil 20 foizli qiyalikka ega yo‘l bo‘ylab ham harakatlana oladi.

Mazkur elektromobil narxi 4000 dollardan boshlanadi.

Avvalroq Xitoyning Jiangsu Ruipaiying Import And Export Co. kompaniyasi pikap kuzovida yaratilgan hamyonbop Changli CLZKC-009 elektromobilini taqdim etgandi. Ushbu mashina narxi 2000 dollarni tashkil etgan.

Izoh
Asosiy yangiliklar
Mahalliy
“Elektr ta’minotidagi uzilishlarga ko‘p duch keldim” — O‘zbekistonga ko‘chib o‘tgan IT-mutaxassis taassurotlari
Dunyo
Saakashvilining organizmida margimush topildi — advokat
Mahalliy
Shavkat Mirziyoyev Volodin boshchiligidagi Rossiya parlament delegatsiyasini qabul qildi (foto)