“O‘lim guruhi”da kurash boshlanmoqda: Ronaldu boshliq Portugaliya autsayder bilan, Fransiya esa “nemis mashinasi”ga qarshi o‘ynaydi

Yevro—2020 musobaqasi guruh bosqichi 1-tur o‘yinlariga 15-iyun, seshanba sanasida yakun yasaladi. F guruhidagi o‘yinlar birinchi tur bahslarini yakunlab beradi. Toshkent vaqti bilan 21:00 da Vengriya amaldagi chempion Portugaliyani qabul qilsa, 00:00 da markaziy uchrashuv Fransiya va Germaniya terma jamoalari o‘rtasida boshlanadi.

Vengriya

Vengriya qog‘ozda bo‘lgani kabi amalda ham “o‘lim guruhi”ning autsayder jamoasi bo‘lishi kutilmoqda. Bu muammoaning hammasi emas: jamoaning eng muhim futbolchilaridan biri Dominik Soboslai jiddiy jarohat olgan. Uning qachon safga qaytishi noma’lum. Jamoaning hujum chizig‘ida uning ijodkorligi yetishmasligi aniq.

Portugaliya

Fernandu Santush musobaqaga yo‘qotishlar bilan yetib keldi. Koronavirus aniqlangani bois Joau Kanselu qaydnomadan chiqarildi va uning o‘rnini Diogu Dalot egalladi.

Yevro—2016 da Ronaldu hujum chizig‘ining eng ishonchli vakiliga aylangan bo‘lsa, oxirgi besh yilda ko‘p narsa o‘zgardi. Portugaliya hujum chizig‘idagilar turli chempionatlarda samaradorlik namoyish etgan holda Yevroga keldi. Diogu Jota, Brunu Fernandesh, Andre Silva va Pedru Gonsalvesh kabi hujumchilar Yevroda ham o‘zini namoyish etishi kutilmoqda. Ulardan tashqari Bernardu Silva va Joau Felikslar ham bor.

Murabbiylar nima deydi?

Natijalaring qanchalik yaxshi bo‘lsa, sendan shunchalik ko‘p narsa kutishadi. Yevro—2020 ga chiqib, juda katta mas’uliyatni bo‘ynimizga oldik. Maydonda bor imkoniyatimizni ishga solishga harakat qilamiz. Kimga qarshi bahs olib borishimizni tushunib turibmiz. Lekin orzularimizni ro‘yobga chiqarishni ham istaymiz.Marko Rossi, Vengriya terma jamoasi bosh murabbiyi

Vengriya terma jamoasining o‘yinlarini ko‘rdim. G‘alaba qozonishimiz uchun eng yaxshi o‘yinimizni namoyish etishimiz zarur. Bu jamoa qo‘rquvlarsiz o‘ynaydi, deb umid qilaman. Vengriya qarshi hujumda o‘ynaydi deb o‘ylamayman.

Fernandu Santush, Portugaliya terma jamoasi bosh murabbiyi

Vengriya: Peter Gulachi; Ottilo Salai, Villi Orban, Ottilo Fiolo, Gerge Lovrenchich; Kevin Varga, Adam Nod, Laslo Klyaynxaysler, Ondrash Shafer; Roland Shallai, Adam Salai.

Portugaliya: Ruy Patrisiu; Nelson Semedu, Ruben Diash, Pepe, Rafael Gerreyru; Brunu Fernandesh, Danilu Pereyra, Serjiu Oliveyra; Bernardu Silva, Diogu Jota, Krishtianu Ronaldu.

Jamoalarning oxirgi 5 o‘yini: 

Mavzuga doir: Dahshatli tarkibga ega Fransiya va Portugaliya, Lyovning “nemis mashinasi”dagi so‘nggi “sayr”i va bechora Vengriya. Yevro—2020 ning “o‘lim guruhi” haqida

Oxirgi o‘zaro 5 o‘yinda yutqazmayotgan Fransiya Bundestimga qarshi

Fransiya

Didye Desham shogirdlari o‘z kuchiga ishonadi va musobaqaning oxirigacha borishga tayyor. Albatta, fransuzlarni ideal jamoa deyolmaymiz, ularda ham ba’zi muammolar mavjud. Masalan, yaqindagina Mbappe va Jiru o‘rtasida kichik nizo kelib chiqdi.

Fransiyada tarkib bilan muammolar yo‘q. Desham shogirdlari 2020-yilning noyabridan buyon mag‘lubiyatga uchramayapti. Shu vaqt davomida Desham turli tarkib va sxemalarni sinab ko‘rdi.

2. Benzema qaytdi — tajribali hujumchidan nima kutish mumkin?

Benzema 6 yillik tanaffusdan so‘ng terma jamoaga qaytdi. Futbolchi faoliyatidagi eng yaxshi davrlarini o‘tkazayotgan vaqtda terma jamoadan 6 yil davomida chaqiruv olmagandi. U bilan Fransiya terma jamoasi yanada kuchli bo‘lishi mumkin edi. Nihoyat Desham Karimga ishonch bildirdi. Benzema oxirgi o‘rtoqlik o‘yinlarida asosiy tarkibda maydonga tushdi. Olivye Jiru ikkalasi hujum chizig‘iga javobgar bo‘ladi. Antuan Grizman va Kilian Mbappe ularga yordam beradi.

3. Kingsli Koman — “yashirin qurol”

“Bavariya” futbolchisi asosan zaxiradan maydonga tushadi. Asosiy tarkibda undan kuchliroq futbolchilar bor. Shunday bo‘lsa-da, u “yashirin qurol” vazifasini bajarib berishi mumkin. Germaniyaga qarshi bahs u uchun alohida ahamiyatga ega bo‘lishi mumkin. Chunki raqiblar futbolchilarni Kingsli yaxshiroq biladi.

Germaniya

Dastlabki bahsni ko‘rmasdan turib bu savolga javob berish mushkul. Germaniya uchun Yevro musobaqasi guruh yetakchisi bo‘lish uchun asosiy raqobatchisi bo‘lgan Fransiyaga qarshi o‘yin bilan boshlanadi. Bundestim oxirgi 5 o‘yindan buyon fransuzlarni yenga olmayapti. Bu uchrashuv barchasini o‘zgartirib yuborish uchun imkoniyat.

2. Kimlar gol uradi?

Doimiy ravishda gol uradigan yorqin hujumchining yetishmasligi — Germaniyaning muammolaridan biri. Myuller qaytdi. U o‘ng qanotda markazda yaxshi o‘yin ko‘rsata oladi. Gnabri saralash o‘yinlarida 8 ta gol urib, to‘purarga aylangandi.

Sane, Haverts va Vernerni ham yoddan chiqarmaslik lozim. Hujum chizig‘ida ular xavfli bo‘lishi mumkin. Gnabri-Myuller-Haverts uchligi Fransiyaga qarshi o‘yinda maydonga tushish ehtimoli baland.

Murabbiylar nima deydi?

Musobaqa starti ajoyib bahs bilan boshlanadi. Nemislar uchun ham, biz uchun ham muhim ahamiyatga ega o‘yin. Ikkala terma jamoa ham Yevropaning yetakchilari hisoblanadi.

Maqsadimiz ikkala jarima maydoni atrofida yaxshiroq o‘yin namoyish etish. Chunki aynan o‘sha yerda o‘yin taqdiri hal bo‘ladi.

Didye Desham, Fransiya terma jamoasi bosh murabbiyi

Avtobusga minib, bu yerga kelayotganimda o‘yladim: “Va nihoyat!”. Men xotirjamman, oxirgi 14 kunda biz xohlagan narsalarimizni bajara oldik. Endi esa yuqori darajadagi jamoa — Fransiyaga qarshi o‘yinda bu tayyorgarliklar natijasini ko‘ramiz.

Jamoaviy muhit fantastik holatda. Hammasi yaxshi. Barcha futbolchilar g‘alabaga tashna bo‘lib turibdi. Bu meni xursand qiladi va men xotirjamman.

Yoaxim Lyov, Germaniya terma jamoasi bosh murabbiyi

Fransiya: Ugo Lyoris; Lyuka Ernandes, Presnel Kimpembe, Rafael Varan, Benjamen Pavar; Ngolo Kante, Pol Pogba, Adriyen Rabyo; Antuan Grizmann, Kilian Mbappe, Karim Benzema.

Germaniya: Manuel Noyer; Mattias Ginter, Antonio Ryudiger, Mats Hummels, Robin Gosens, Yozua Kimmix; Ilkay Gundo‘g‘an, Toni Kroos; Kay Haverts, Serj Gnabri, Tomas Myuller.

Jamoalarning oxirgi 5 o‘yini: