Toshkent shahri Uchtepa tumanining ayrim hududlarida issiq suv o‘chiriladi, deya xabar bermoqda “Toshissiqquvvati” matbuot xizmati.
Ma’lum qilinishicha, 14-iyun kuni soat 22:00 dan 15-iyun 18:00 ga qadar Uchtepa tumanidagi 14-mavze hamda qisman 15-mavzeda joylashgan 44 ta ko‘p kvartirali uylar, 3 ta maktabgacha ta’lim tashkiloti va 4 ta ma’muriy binoda issiq suv ta’minotida vaqtinchalik uzilishlar kuzatiladi.
Qayd etilishicha, bu kabi choralar tumanning Lutfiy ko‘chasidan o‘tuvchi Di-800 millimetr magistral issiqlik tarmog‘ida 74 metr eskirgan issiqlik quvurlarini almashtirish ishlari bilan bog‘liq. Ayni damda Uchtepa tuman issiqlik ta’minoti boshqarmasi ishchi-xodimlari tomonidan ta’mirlash ishlari olib borilmoqda.
Bundan avval Sergeli tumani hududida kuzatilayotgan badbo‘y hid yuzasidan 22 nafar mas’ulga ma’muriy ish qo‘zg‘atilgani haqida xabar berilgandi.
Izoh (0)