Samarqand viloyati Qo‘shrabot tumanida joylashgan qabristonda yong‘in kelib chiqdi, deya xabar bermoqda tuman hokimligi matbuot xizmati.
Qayd etilishicha, 12-iyun kuni soat 11:05 larda Qo‘shrabot tumani favqulodda vaziyatlar bo‘limiga “Bozorjo‘y” mahallasi hududida joylashgan “Ko‘kto‘nli ota” qabristonida yong‘in sodir bo‘layotgani haqida xabar kelib tushgan.
Ushbu xabar asosida tuman favqulodda vaziyatlar bo‘limi tomonidan 2 ta jangovar ekipaj jalb qilingan va soat 12:54 da yong‘in to‘liq bartaraf etilgan.
Hozirga paytda holat yuzasidan tuman FVB tomonidan tergovga qadar surishtiruv ishlari olib borilmoqda.
Avvalroq Samarqanddagi dehqon bozorida yong‘in sodir bo‘lgani, Navoiy viloyatidagi ohak ishlab chiqarish sexida yong‘in yuz berib, bir kishi halok bo‘lgani hamda Ohangaronda yo‘l bo‘yidagi maydonda yong‘in sodir bo‘lgani haqida xabar berilgandi.
Izoh (0)