Qoraqalpog‘istonning Amudaryo tumanida Nexia boshqaruvni yo‘qotishi oqibatida zovurga tushib ketdi. Bu haqda “Zamon” informatsion dasturida xabar berildi.
Qayd etilishicha, 5-iyun kuni Amudaryo tumani hududidan o‘tgan 4R-181 A-380 avtomobil yo‘lida “Qipchoq–Paxtakor” ovul fuqarolar yig‘inida yashovchi 39 yoshli K.J. Nexia avtomobilida harakatlanib kelayotib, boshqaruvni yo‘qotgan.
Oqibatda mashina yo‘lning chap tarafidagi zovurga tushib ketgan. Ko‘p suv yutish oqibatida haydovchi mashinadan chiqolmay, voqea joyida halok bo‘lgan.
YTH sodir bolish sabablari o‘rganilganda avtomobil yo‘lida yo‘l chiziqlari mavjud emasligi aniqlangan.
Hozirda holat yuzasidan surushtiruv harakatlari olib borilmoqda.
Bundan avval Surxondaryoda bir yil davomida 15 marotaba qoida buzgan haydovchi 17 yoshli o‘smirning hayotiga zomin bo‘lgani, Angrenda Nexia bilan to‘qnashgan Lacetti yonib ketgani hamda Namanganda Damas urib yuborishi oqibatida 49 yoshli fuqaro vafot etgani haqida xabar berilgandi.
Izoh (0)