Toshkent viloyati Bo‘stonliq tumanida joylashgan “Soyliq” oromgohi auksion orqali sotildi. Bu haqda E-auksion matbuot xizmatiga tayanib, Spot xabar berdi.
“Kichiksoy” MFYda hududidagi 5,9 gektar maydonning 3525 kvadrat metrini bino va inshootlar egallagan oromgoh uchun boshlang‘ich narx 14,2 milliard so‘m deb belgilangan edi.
Oromgoh auksion natijalariga ko‘ra, 14,4 milliard so‘mga Meridian Tempo MChJga sotilgan.
1980-yilda qurilgan oromgoh hozirda xizmat ko‘rsatmaydi, shu sababli auksionda g‘olib chiqqan shaxs oromgoh maydonida turistik xizmat ko‘rsatish majmuasi, shuningdek, kamida 3 yulduzli mehmonxona faoliyatini tashkil etish majburiyati yuklatilgan.
Avvalroq Samarqanddagi Afrosiyob Palace mehmonxonasi 43,4 milliard so‘mga sotilgani to‘g‘risida xabar berilgandi.
Izoh (0)