“Daryo”ni Telegram’da o‘qing! Join!
14:33, 14.06.2021 20198

Britaniyalik ayol 45 kiloga ozdi hamda hayotidagi eng katta orzusini amalga oshirdi

35 yashar Xeyli Eshton va uning turmush o‘rtog‘i 3 yildan buyon farzandli bo‘la olmagan. Shifokorlarga murojaat qilganida unga tuxumdonlar polikistozi tashxisi qo‘yilgan va unga faqatgina EKO muolajasi yordam bera olishi aytilgan. Vazni 102 kg tashkil qilgani sabab muolajani o‘tkazishning iloji bo‘lmagan.

Foto: Woman’s Day.ru

Shundan keyin britaniyalik ayol unga yordam bermagan bir qancha parhez va dori vositalaridan voz kechib, Slimming World dasturiga qo‘shilgan. Unga maxsus ovqatlanish ratsioni va kerakli mashg‘ulotlar ishlab chiqilgan. Ko‘rsatmalarga amal qilgan Eshton bir yilda 45 kilo vazn tashlagan. Shundan keyin EKO qildirgan va homilador bo‘lgan.

Foto: Woman’s Day.ru

U 2021-yil avgustda bolali bo‘ladi. “Menga ko‘rinishim unchalik muhim emasdi, ammo bolali bo‘lishni juda ham istaganman”, — deb yozgan u foto tagiga. Vazn tashlaganidan keyin Eshton eski ovqatlanish rejimiga qaytmagan.

Foto: Woman’s Day.ru

U avvalgidek sog‘lom ovqatlanishga amal qiladi va tug‘ruqdan keyin ham mashg‘ulotlar bilan shug‘ullanishni orzu qiladi.